Театарот за деца и младинци-Скопје е оформен и финансиран од Министерството за култура на Република Македонија од 1990 година.

Во театарот постојат три сцени, куклена, детска и младинска.
Се негува детската драматургија од домашни автори и автори од светската класика.
Театарот годишно прикажува по 3 премиери и одигрува 220 претстави на својата сцена, низ државата и странство.

Театарот е еден од основачите на Балканскиот куклен фестивал, кој секоја година се сели во друга држава и беше организатор на IV Балкански куклен фестивал - Скопје 96.