Почитувани,
заврши уште една успешна сезона во нашиот Театар за деца и младинци.
Реализиравме 3 нови претстави и тоа:
- „Животинска фарма“ во режија на Александра Кардалевска
- „Петар Пан“ во режија на Боњо Лунгов и
- „Пепелашка“ во режија на Деан Дамјановски
Забележавме голем успех и на интернационалниот фестивал во Измир, Турција, каде што нашиот театар учествуваше со претставата „Бескрајни соништа“ во режија на Боњо Лунгов, како и учество на МТФ Војдан Чернодрински во Прилеп.
На 28 Јуни, Театарот за деца и младинци ќе гостува на фестивалот „Гола месечина“ со претставата „Македонска приказна“ режирана од Боњо Лунгов со што ќе се заврши нашата богата сезона.
По паузата за летните одмори се враќаме со уште позасилено темпи и со нови изненадувања за Вас, нашата публика.
Ваш,
Театар за деца и младинци